මෙවර උසස් පෙළ විභාගයේ රසායන විද්‍යාව 2 ප්‍රශ්න පත්‍රයෙහි තිබු ප්‍රශ්න කිහිපයක් ඇතුළත් අත් පත්‍රිකාවක් බෙදා හැරීමේ සිද්ධිය සම්බන්ධයෙන් එය පරිගණක ගත කළ බව කියන පුද්ගලයා ගම්පහ නගරයේදී පොලිස් කණ්ඩායමක් විසින් අත් අඩංගුවට ගනු ලැබ ඇත.
මොහු හට ලැබී ඇති ප්‍රශ්න කිහිපය පරිගණකගත කරමින් අදාළ අත් පත්‍රිකාව සකස් කොට ඇති බවත් විභාගය පැවති 19 වැනිදා විභාගය පැවැත්වෙන අවස්ථාවේදී ප්‍රශ්න එළියට ලැබී ඇති බවත් අනාවණය වී ඇතැයි පොලීසිය පවසයි.
මෙලෙස පරිගණකගත කළ තැනැත්තා කැලණිය ප්‍රදේශයේ පදංචි තැනැත්තෙකු බවත් ගම්පහ නගරයෙහි පරිගණක මධ්‍යස්ථානයක සේවය කරන්නකු බවත් පොලීසිය කියයි.
මෙම සිද්ධියට අදාල ටියුෂන් ගුරුවරයා අත්අඩංගූවට ගැනීමට වැඩිදුර පරීක්ෂණ සිදු කෙරෙන අතර දැනට අත් අඩංගූවේ පසුවන ඔහුගේ පියා සහ සොහොයුරාද පරිගණක කටයුතු කළ පුද්ගලයාද අද(22) අපරාධ පරීක්ෂණ දෙපාර්තමේන්තුව වෙත භාර දීමට පියවර ගන්නා බව ගම්පහ කොට්ඨාස භාර ජ්‍යෙෂ්ඨ පොලිස් අධිකාරී මුදිත පුස්සැල්ල මහතා පැවසීය.
No comments:
Post a Comment