ලංකා විදුලිබල මණ්ඩල සේවකයින්ගේ වැටුප් විෂමතාවය ඉවත් කිරීම ඇතුළු ඉල්ලීම් කිහිපයක් මුල් කරගනිමින් විදුලි සේවකයින් හෙට (13) දහවල් 12 සිට දින දෙකක වැඩ වර්ජනයක් පවත්වන බව ලංවිම ඒකාබද්ධ වෘත්තිය සමිති සන්ධානය කියයි.
ඉංජිනේරුවන්ට පමණක් වැටුප් වැඩි වීමක් ලබාදීම නිසා විදුලි සේවකයින්ගේ වැටුප් විෂමතාවක් ඇති වූ අතර එය විසඳා පෙර පරිදි 1:6 අනුපාතයට වැටුප් තලය සකස් කරන ලෙස බලකිරීම, ලංකා විදුලි බල මණ්ඩලයේ මහජන මුදල් කොල්ල කන දූෂිතයන්ට දඬුවම් දීම,ලංවිම එන්.වී.කිව් වහල් සේවය අහෝසි කිරීම ඇතුළු ඉල්ලීම් කිහිපයක් මුල් කරගෙන මෙම වැඩ වර්ජනය දියත් කරන බව එම සන්ධානයේ කැඳවුම්කරු රංජන් ජයලාල් මහතා පවසයි.
වැඩ වර්ජනය කරන දින දෙක තුළ විසඳුම් නොලැබුණහොත් වැඩ වර්ජනය අඛණ්ඩව ක්‍රියාත්මක කරන බවද හෙතෙම පවසයි.
No comments:
Post a Comment