ඇමෙරිකා එක්සත් ජනපදයට සංක්‍රමණය වීමට ඉඩ සලසමින් දෙමින්, විදේශිකයන් වෙනුවෙන් හඳුන්වා දී තිබූ ‘ග්‍රීන් කාඩ්’ ලොතරැයි වැඩසටහන අහෝසි කරන බව ඇමෙරිකා ජනාධිපති ඩොනල්ඩ් ට්‍රම්ප් ප්‍රකාශ කර තිබේ.
නිව්යෝක් නුවරට එල්ල වූ ත්‍රස්ත ප්‍රහාරයෙන් පසු දිගින් දිගටම තම නිල ට්විටර් ගිණුම ඔස්සේ ට්විටර් පණිවිඩ නිකුත් කරමින් ‘ග්‍රීන් කාඩ්’ ලොතරැයි වැඩසටහන අහෝසි කිරීමට කටයුතු කරන බව ඇමෙරිකා ජනාධිපතිවරයා සඳහන් කළේය.
‘ග්‍රීන් කාඩ්’ ලොතරැයි වැඩසටහන යටතේ ඇමෙරිකාවට පැමිණි ත්‍රස්තවාදියකු කරන ලද ක්‍රියාවකින් ජීවිත ගණනක් අහිමි වූ බවත් ‘ඩිමොක්‍රටික්’ ලොතරැයි වැඩසටහන තවදුරටත් අවශය නැතැයි ද ඇමෙරිකා ජනාධිපතිවරයා ට්විටර් පණිවිඩයක් නිකුත් කරමින් සඳහන් කර තිබිණි.
එපමණක් නොව තමන් ඇතුළු කණ්ඩායම කුසලතා මත පදනම් වූ සංක්‍රමණික වැඩසටහන් ක්‍රියාත්මක කිරීම සඳහා කටයුතු කරන බව ද තවත් ට්විටර් පණිවිඩයක් නිකුත් කරමින් ඇමෙරිකා ජනාධිපතිවරයා ප්‍රකාශ කර තිබිණි.
ග්‍රීන් කාඩ් යනු විදේශිකයන්ට ඇමෙරිකාවේ නීත්‍යානුකූල ස්ථිර නේවාසිකයන් වීමට ඉඩ සලසා තිබූ වැඩසටහනකි. මෙම ලොතරැයිය ශ්‍රී ලාංකිකයන් වෙනුවෙන් ද විවෘත වූ වැඩසටහනක් විය.
No comments:
Post a Comment