වත්මන් යහපාලන රජයේ සෙසු පාර්ශ්වකරුවා වන ශ්‍රී ලංකා නිදහස්‌ පක්‍ෂයෙන් දිගින් දිගටම සිදුවන බලපෑම් සහ කෙනෙහිළිකම් අවසන් නොවුනහොත් ලබන ජනවාරී මාසයේදී ජාතික ආණ්ඩුවෙන් ඉවත් වීමට එක්‌සත් ජාතික පක්‍ෂය තීරණය කර ඇති බව වාර්තා වනවා.
දිගින් දිගටම එජාප පසුපෙළ මන්ත්‍රීවරුන්ගෙන් හා අමාත්‍යවරුන්ගෙන් සිදුවන ඉල්ලීම නිසා ලබා ගත් මෙම තීරණය අගමැති රනිල් වික්‍රමසිංහ මහතා ජනාධිපති මෛත්‍රිපාල සිරිසේන මහතා පෞද්ගලිකවම හමුවී දන්වා ඇතැයි එජාපයේ අභ්‍යන්තර ආරංචී මාර්ග සදහන් කරනවා.
වත්මන් යහපාලන ආණ්‌ඩුව තුළ එජාපයට මන්ත්‍රී ආසන 106 ක වැඩි බහුතරයක් තිබියදී ශ්‍රීලනිපයට ඇත්තේ මන්ත්‍රී ආසන 35 ක්‌ පමණක් වුවද එජාප බහුතරය නොසලකමින් ශ්‍රීලනිපය අවස්‌ථා ගණනාවකදීම එජාපය නොසලකා අත්තනෝමතිකව කටයුතු කර ඇති බවද එහිදී අගමැතිවරයා විසින් වැඩිදුරටත් ජනාධිපතිවරයාට පෙන්වා දී ඇත.
එක්‌සත් ජාතික පක්‍ෂයේ අමාත්‍යවරුන්ට, මන්ත්‍රීවරුන්ට සහ පාක්‍ෂිකයන්ට සිදුවන අසාධාරණකම් මෙම ආකාරයට දිගින් දිගටම සිදුවුවහොත් ලබන ජනවාරි මසදි ජාතික ආණ්ඩුවෙන් ඉවත් වීමට සිදුවන බවද රනිල් වික්‍රමසිංහ මහතා වැඩිදුරටත් ජනාධිපතිවරයාට දන්වා ඇතැයි මෙම ආරංචි මාර්ග තහවුරු කර සිටිනවා.
කෙසේ නමුත් මේ පිළිබදව ජනාධිපති මෛත්‍රීපාල සිරිසේන මහතාගේ ස්ථාවරය කුමක්දැයි තවමත් පැහැදිලි වී නොමැත.
No comments:
Post a Comment