2018 අධ්‍යාපන පොදු සහතික පත්‍ර උසස් පෙළ විභාගයේදී ජාත්‍යන්තර පාසලක සිසුවියක් කලා අංශයේ ප්‍රථම ස්ථානය දිනා ලබා ගැනීම සම්බන්ධව ආන්දෝලණාත්මක ප්‍රකාශයක් කරන ලදී.
එම ප්‍රකාශය සම්බන්ධව අධ්‍යාපන අමාත්‍ය අකිල විරාජ් කාරියවසම් මහතා නිකුත් කළ විශේෂ නිවේදනය මගින් බන්දුල ගුණවර්ධන මහතාට පිළිතුරක් ලබා දී ඇත.
එම නිවේදනය අනුව, බන්දුල ගුණවර්ධන මන්ත්‍රීවරයා පවසන ආකාරයට උසස් පෙළ ප්‍රතිඵල නිකුත් කිරීමේදී ජාතික පාසල් සහ ජාත්‍යන්තර පාසල් වෙන් කොට දැක්විය යුතු ය. ඔහු පවසන ආකාරයට ජාත්‍යන්තර පාසල්වල සිසුන්ට පෙනී සිටීමට හැකිවන්නේ ජාත්‍යන්තර විභාග වලට පමණි. ඔහුගේ කාලයේ දී කිසිවිටෙකත් ජාත්‍යන්තර පාසල්වල සිසුන්ට ජාතික මට්ටමේ විභාගවලට පෙනී සිටීමට ඉඩ ලබා නොදුන් බව ඔහු පවසයි. ජාත්‍යන්තර පාසල් වල අධ්‍යාපන ලබන දරුවන් ගේ ප්‍රතිඵල ජාතික පාසල් වල ඉගෙන ගන්නා දරුවන්ගේ ප්‍රතිඵල සමඟ එකට ඉදිරිපත් කිරීමෙන් නිදහස් අධ්‍යාපනය වලපල්ලට යන බව බන්දුල ගුණවර්ධන මන්ත්‍රීවරයාගේ තර්කයයි. මෙලෙස ජාත්‍යන්තර පාසලක දරුවකුට ප්‍රථම ස්ථානයක් හිමි කර දීම හරහා විභාග දෙපාර්තමේන්තුව නිදහස් අධ්‍යාපනය විනාශ කර දැමීමට කුමන්ත්‍රණයක් සිදුකර ඇතැයි ගම්‍යවන ආකාරයේ ප්‍රකාශයක් ද ඔහු සිදු කරයි.
වසර ගණනාවක් අධ්‍යාපන අමාත්‍යධූරය දැරූ සහ පෞද්ගලික උපකාරක පන්ති ගුරුවරයෙකු ලෙස ද කටයුතු කර ඇති බන්දුල ගුණවර්ධන මහතා පවසන මෙම කරුණ පදනම් විරහිත ජනතාව නොමඟ යවන්නකි. එමෙන් ම රටේ දරුවන්ගේ අධ්‍යාපනය ද ඈඳා ගනිමින් නිර්දය ලෙස දේශපාලනික පටු අරමුණු මුදුන් පමුණුවා ගැනීමේ නිර්ලජ්ජිත උත්සාහයකි.
රටක සියලු පුරවැසියන්ට අධ්‍යාපනය හැදෑරීමට ඇති සම අයිතිය එක්සත් ජාතීන්ගේ තිරසර සංවර්ධන ඉලක්කයන් තුළද අන්තර් ගත, ශ්‍රී ලාංකිකයන් ලෙස අප පිළිගන්නා මානුෂීය කරුණකි. ජාතික හෝ ජාත්‍යන්තර හෝ කුමන පාසලක අධ්‍යාපනය හැදෑරුව ද ශ්‍රී ලංකාව තුළ අවශ්‍ය ය මූලික සුදුසුකම් සපුරන ලද ඕනෑම පුරවැසියෙකුට ඕනෑම විභාගයට පෙනී සිටීමට කිසිදු බාධාවක් නොමැත.
එමෙන් ම ජාතික හෝ ජාත්‍යන්තර හෝ කුමන ආකාරයකින් එකම විභාගයට පෙනී සිටි විභාග අපේක්ෂකයන්ට ප්‍රතිඵල නිකුත් කිරීමේ දී පාසල , ජාතිය ආගම කුලය අනුව වෙන් කොට ප්‍රතිඵල නිකුත් කිරීමේ ක්‍රම වේදයක් ප්‍රජාතන්ත්‍රවාදී ජන සමාජයක කිසිසේත් නොමැති බව සිහිපත් කිරීමට ද මෙය අවස්ථාවක් කර ගනිමි. එමෙන් ම විභාග පැවැත්වීමේ දී සහ ප්‍රතිඵල නිකුත් කිරීමේදී විභාග දෙපාර්තමේන්තුවට එවැනි අකටයුතුකම් සිදු කිරීමට නොහැකි බවද බන්දුල ගුණවර්ධන මන්ත්‍රීවරයාට සිහිපත් කර දීමට කැමැත්තෙමි.
විභාග දෙපාර්තමේන්තුව ස්වාධීනව සහ අපක්ෂපාතී විශ්වාසනීයත්වයෙන් යුතු ආයතනයක් ලෙස ක්‍රියාත්මක වන්නට ඉඩකඩ ලබා දීම විනා කිසිදු අනිසි දේශපාලන හෝ අයුතු පරිපාලන මැදිහත් වීමක් අමාත්‍යවරයා ලෙස මා විසින් සිදු කර නොමැති බව ද අවධාරණය කරනු කැමැත්තෙමි.
නමුත් බන්දුල ගුණවර්ධන මන්ත්‍රීවරයා පවසන ආකාරයට ඔහු අධ්‍යාපන අමාත්‍යධූරය දැරූ කාලවකවානුවේ දී ප්‍රතිඵල නිකුත් කිරීමේ දී කිසිදු අවස්ථාවක ජාත්‍යන්තර පාසල් වල දරුවන්ට ඉහළ ප්‍රතිඵල ප්‍රදර්ශනය කිරීමට ඉඩ ලබා නොදුන් බවට හැඟවෙන ප්‍රකාශයක් සිදු කිරීම මගින් ඔහු යම් ආකාරයකින් විභාග දෙපාර්තමේන්තුවේ ඇගයීම් කටයුතු වලට අනිසි මැදිහත්වීමක් සිදු කර ඇද්දැයි සැක සංකා මතු වීම වැළැක්විය නොහැක.
අධ්‍යාපන අමාත්‍යාංශයේ පුද්ගලික පාසල් සම්බන්ධීකරණය කිරීමේ අංශයක් බන්දුල ගුණවර්ධන මහතා අමාත්‍යධූරය දරන සමයේ ද පවත්වාගෙන ගොස් තිබූ බව නොරහසකි. එමෙන් ම ඔහු අධ්‍යාපන අමාත්‍යධූරය දැරූ සමයේ ජාත්‍යන්තර පාසල්වල සිසු දරුවන්ද පාසල් මට්ටමේ කඩඉම් විභාගවලට පෙනී සිටිමින් ප්‍රතිඵලලාභීන් අතර ඉහළ ස්ථාන හිමි කර ගෙන තිබූ බව නිලධාරීන් විසින් මා හට තහවුරු කර තිබේ. අවශ්‍ය ඕනෑම මොහොත එම කරුණු ඉදිරිපත් කිරීමට හැකි බවද ඔවුන් මා වෙත දන්වා තිබේ.
මෙරට දරුවන්ට රජයේ හෝ පෞද්ගලික අංශයේ ඕනෑම පාසලක අධ්‍යාපන හැදෑරීමට අයිතිවාසිකමක් තිබේ. එය අභියෝගයට ලක් කිරීමට හෝ ඒ මඟ අහුරාලීමට කිසිවෙකුට අයිතියක් නොමැත. පසුගිය දශකයේ සංදර්ශන වලට පමණක් සීමා වූ නිදහස් අධ්‍යාපනයේ සංවර්ධනය වත්මන් රජය මගින් වඩා ප්‍රතිඵල දායක ඉසව් ඔස්සේ සිදුකිරීමට මා දේශපාලන නායකත්වය ලබා දී තිබේ. මෙරට සමස්ත පාසල් පද්ධතිය ආවරණය කරමින් ක්‍රියාත්මක කර ඇති ළඟම පාසල හොඳම පාසල ව්‍යාපෘතිය ඊට කදිම නිදසුනයි. උසස් පෙළ සිසුන්ට නොමිලේ ටැබ් පරිගණක ලබාදීම, විද්‍යාගාර නොමැති පාසල් වලට ජංගම විද්‍යාගාර ලබා දීම, පරිගණක පහසුකම් නොමැති පාසල් වලට ලැප්ටොප් පරිගණක ලබාදීම, සියලු දරුවන් වෙනුවෙන් ක්‍රියාත්මක සුරක්ෂා සිසුරක්ෂණාවරණය, අඛණ්ඩ ගුරු පුහුණු වැඩසටහන් ඇතුළු ව්‍යාපෘතීන් රැසක් යෝජනා කරමින් එකිනෙක ක්‍රියාත්මක කරමින් සිටින්නේ නිදහස් අධ්‍යාපන තවදුරටත් සුරක්ෂිත කිරීමේ අරමුණ පෙරදැරිව බවද සිහිපත් කරමි.
නිදහස් අධ්‍යාපනය, පාසල් දරුවන්ට නොමිලේ නිල ඇඳුම් , නොමිලේ පෙළපොත්, දිවා ආහාර පහසුකම් රැසක් ලබා දෙමින් මෙරට සියලු දරුවන්ගේ අධ්‍යාපන අයිතිය සුරක්ෂිත කිරීමට කැප වූ එක්සත් ජාතික පක්ෂයේ වත්මන් මහලේකම් වරයා ලෙසත් අධ්‍යාපන අමාත්‍යවරයා ලෙසත් බන්දුල ගුණවර්ධන මන්ත්‍රීවරයාගේ ප්‍රකාශය මා නැවත පිළිකුලෙන් යුතුව ප්‍රතික්ෂේප කරන අතර, මෙරට බුද්ධිමත් ජනතාව මෙවැනි අවස්ථාවාදී දේශපාලනඥයන් සහ දේශපාලන භාවිතයන් පිළිබඳ සවිඥානික වීමේ වැදගත්කම සහ අවශ්‍යතාවය ද නැවත සිහිපත් කිරීමටද මෙය අවස්ථාවක් කරගනිමි.
නීතීඥ අකිල විරාජ් කාරියවසම්
අධ්‍යාපන අමාත්‍ය
වසර ගණනාවක් අධ්‍යාපන අමාත්‍යධූරය දැරූ සහ පෞද්ගලික උපකාරක පන්ති ගුරුවරයෙකු ලෙස ද කටයුතු කර ඇති බන්දුල ගුණවර්ධන මහතා පවසන මෙම කරුණ පදනම් විරහිත ජනතාව නොමඟ යවන්නකි. එමෙන් ම රටේ දරුවන්ගේ අධ්‍යාපනය ද ඈඳා ගනිමින් නිර්දය ලෙස දේශපාලනික පටු අරමුණු මුදුන් පමුණුවා ගැනීමේ නිර්ලජ්ජිත උත්සාහයකි.
රටක සියලු පුරවැසියන්ට අධ්‍යාපනය හැදෑරීමට ඇති සම අයිතිය එක්සත් ජාතීන්ගේ තිරසර සංවර්ධන ඉලක්කයන් තුළද අන්තර් ගත, ශ්‍රී ලාංකිකයන් ලෙස අප පිළිගන්නා මානුෂීය කරුණකි. ජාතික හෝ ජාත්‍යන්තර හෝ කුමන පාසලක අධ්‍යාපනය හැදෑරුව ද ශ්‍රී ලංකාව තුළ අවශ්‍ය ය මූලික සුදුසුකම් සපුරන ලද ඕනෑම පුරවැසියෙකුට ඕනෑම විභාගයට පෙනී සිටීමට කිසිදු බාධාවක් නොමැත.
එමෙන් ම ජාතික හෝ ජාත්‍යන්තර හෝ කුමන ආකාරයකින් එකම විභාගයට පෙනී සිටි විභාග අපේක්ෂකයන්ට ප්‍රතිඵල නිකුත් කිරීමේ දී පාසල , ජාතිය ආගම කුලය අනුව වෙන් කොට ප්‍රතිඵල නිකුත් කිරීමේ ක්‍රම වේදයක් ප්‍රජාතන්ත්‍රවාදී ජන සමාජයක කිසිසේත් නොමැති බව සිහිපත් කිරීමට ද මෙය අවස්ථාවක් කර ගනිමි. එමෙන් ම විභාග පැවැත්වීමේ දී සහ ප්‍රතිඵල නිකුත් කිරීමේදී විභාග දෙපාර්තමේන්තුවට එවැනි අකටයුතුකම් සිදු කිරීමට නොහැකි බවද බන්දුල ගුණවර්ධන මන්ත්‍රීවරයාට සිහිපත් කර දීමට කැමැත්තෙමි.
විභාග දෙපාර්තමේන්තුව ස්වාධීනව සහ අපක්ෂපාතී විශ්වාසනීයත්වයෙන් යුතු ආයතනයක් ලෙස ක්‍රියාත්මක වන්නට ඉඩකඩ ලබා දීම විනා කිසිදු අනිසි දේශපාලන හෝ අයුතු පරිපාලන මැදිහත් වීමක් අමාත්‍යවරයා ලෙස මා විසින් සිදු කර නොමැති බව ද අවධාරණය කරනු කැමැත්තෙමි.
නමුත් බන්දුල ගුණවර්ධන මන්ත්‍රීවරයා පවසන ආකාරයට ඔහු අධ්‍යාපන අමාත්‍යධූරය දැරූ කාලවකවානුවේ දී ප්‍රතිඵල නිකුත් කිරීමේ දී කිසිදු අවස්ථාවක ජාත්‍යන්තර පාසල් වල දරුවන්ට ඉහළ ප්‍රතිඵල ප්‍රදර්ශනය කිරීමට ඉඩ ලබා නොදුන් බවට හැඟවෙන ප්‍රකාශයක් සිදු කිරීම මගින් ඔහු යම් ආකාරයකින් විභාග දෙපාර්තමේන්තුවේ ඇගයීම් කටයුතු වලට අනිසි මැදිහත්වීමක් සිදු කර ඇද්දැයි සැක සංකා මතු වීම වැළැක්විය නොහැක.
අධ්‍යාපන අමාත්‍යාංශයේ පුද්ගලික පාසල් සම්බන්ධීකරණය කිරීමේ අංශයක් බන්දුල ගුණවර්ධන මහතා අමාත්‍යධූරය දරන සමයේ ද පවත්වාගෙන ගොස් තිබූ බව නොරහසකි. එමෙන් ම ඔහු අධ්‍යාපන අමාත්‍යධූරය දැරූ සමයේ ජාත්‍යන්තර පාසල්වල සිසු දරුවන්ද පාසල් මට්ටමේ කඩඉම් විභාගවලට පෙනී සිටිමින් ප්‍රතිඵලලාභීන් අතර ඉහළ ස්ථාන හිමි කර ගෙන තිබූ බව නිලධාරීන් විසින් මා හට තහවුරු කර තිබේ. අවශ්‍ය ඕනෑම මොහොත එම කරුණු ඉදිරිපත් කිරීමට හැකි බවද ඔවුන් මා වෙත දන්වා තිබේ.
මෙරට දරුවන්ට රජයේ හෝ පෞද්ගලික අංශයේ ඕනෑම පාසලක අධ්‍යාපන හැදෑරීමට අයිතිවාසිකමක් තිබේ. එය අභියෝගයට ලක් කිරීමට හෝ ඒ මඟ අහුරාලීමට කිසිවෙකුට අයිතියක් නොමැත. පසුගිය දශකයේ සංදර්ශන වලට පමණක් සීමා වූ නිදහස් අධ්‍යාපනයේ සංවර්ධනය වත්මන් රජය මගින් වඩා ප්‍රතිඵල දායක ඉසව් ඔස්සේ සිදුකිරීමට මා දේශපාලන නායකත්වය ලබා දී තිබේ. මෙරට සමස්ත පාසල් පද්ධතිය ආවරණය කරමින් ක්‍රියාත්මක කර ඇති ළඟම පාසල හොඳම පාසල ව්‍යාපෘතිය ඊට කදිම නිදසුනයි. උසස් පෙළ සිසුන්ට නොමිලේ ටැබ් පරිගණක ලබාදීම, විද්‍යාගාර නොමැති පාසල් වලට ජංගම විද්‍යාගාර ලබා දීම, පරිගණක පහසුකම් නොමැති පාසල් වලට ලැප්ටොප් පරිගණක ලබාදීම, සියලු දරුවන් වෙනුවෙන් ක්‍රියාත්මක සුරක්ෂා සිසුරක්ෂණාවරණය, අඛණ්ඩ ගුරු පුහුණු වැඩසටහන් ඇතුළු ව්‍යාපෘතීන් රැසක් යෝජනා කරමින් එකිනෙක ක්‍රියාත්මක කරමින් සිටින්නේ නිදහස් අධ්‍යාපන තවදුරටත් සුරක්ෂිත කිරීමේ අරමුණ පෙරදැරිව බවද සිහිපත් කරමි.
නිදහස් අධ්‍යාපනය, පාසල් දරුවන්ට නොමිලේ නිල ඇඳුම් , නොමිලේ පෙළපොත්, දිවා ආහාර පහසුකම් රැසක් ලබා දෙමින් මෙරට සියලු දරුවන්ගේ අධ්‍යාපන අයිතිය සුරක්ෂිත කිරීමට කැප වූ එක්සත් ජාතික පක්ෂයේ වත්මන් මහලේකම් වරයා ලෙසත් අධ්‍යාපන අමාත්‍යවරයා ලෙසත් බන්දුල ගුණවර්ධන මන්ත්‍රීවරයාගේ ප්‍රකාශය මා නැවත පිළිකුලෙන් යුතුව ප්‍රතික්ෂේප කරන අතර, මෙරට බුද්ධිමත් ජනතාව මෙවැනි අවස්ථාවාදී දේශපාලනඥයන් සහ දේශපාලන භාවිතයන් පිළිබඳ සවිඥානික වීමේ වැදගත්කම සහ අවශ්‍යතාවය ද නැවත සිහිපත් කිරීමටද මෙය අවස්ථාවක් කරගනිමි.
නීතීඥ අකිල විරාජ් කාරියවසම්
අධ්‍යාපන අමාත්‍ය
No comments:
Post a Comment